|
|
चीनियाँ सिपाहीका एक समूहले शहरमा पानी पस्न नदिनको लागि आफ्नै शरिरलाई ढालको रुपमा प्रयोग गरेका छन् ।
जियाङ्जी प्रान्तको जिउजियाङ्ग शहरका हज्जारौं मानिसहरु बाढीका कारण लगभग आफ्नो बासस्थान छोड्न बाध्य भएका थिए ।
छातीभन्दा माथि रहेको पानीमा १६ सिपाहीहरु लगभग ६ घण्टासम्म पानीमा रहिरहे किनभने उनीहरु पछाडि जुन वस्ती र घरहरु थियो, तिनलाई उनीहरुले बचाउनु थियो, पिपल डेली चाइनालाई उद्धृत गर्दै डेली मेलले लेखेको छ ।
डेली मेल लेख्छ– याङ्त्जे बेसिनमा अवस्थित बोयाङ तालको जलस्तर वर्षातका कारण उच्च रहँदै आएको छ । बुधबार करिब १० बजे बाँध फुटेर धान खेती गरिरहेको जमिनमा उर्लियो । पिएलएका लगभग १०० सिपाहीहरु सेना विभागका उपप्रमुख लिन जेन–मिंग सहयोगको लागि रवाना भए । जेन–मिंगले अवस्था हेरी उर्लदों पानीमा हाम फालिहाले । त्यसको केही सेकेन्डमा नै १६ जवानले पनि पानीमा हाम फाले ।
मानव बाँध बनाउनका लागि उनीहरुले आफ्नो शरिरको प्रयोग गरे । किनारामा बालुवाको ब्याग राख्नका लागि उनीहरुले एक अर्कालाई निरन्तर सहयोग गरिरहे ।
उर्लदों पानीमा उनीहरु लगभग ६ घण्टासम्म उभिरहे र बाँध बनाउनका लागि उनीहरुले लगातार बालुवाको ब्यागलाई पनि राखिरहे ।
बेलुकाको ७ बजे फुटेको बाँधलाई उनीहरुले बनाउन सके ।
यहाँ सिपाही थिए, त्यसकारण मेरो धान रोपेको खेत सुरक्षित छ,’ एक किसानले त्यहाँको स्थानीय मिडियालाई जानकारी दिए ।
ती सिपाहीहरुको बहादुरीताले ५ हजार एकरमा फैलिएको बाली र ६ हजारभन्दा बढी बासिन्दालाई क्षती पुर्याउनबाट जोगाएको आइफेंगले बताएको छ ।
|
|
Post a Comment