|
|
माओवादीको निर्णयमा कांग्रेसको नीति बाधक, बन्नै सक्दैन राष्ट्रिय सहमतिको सरकार
शंकर पोखरेल (एमाले स्थायी कमिटी सदस्य)
नेकपा माओवादी केन्द्रले शनिवार एउटा अपरिपक्व निर्णय गरयो । राष्ट्रिय सहमतिको सरकार बन्न मुख्य दुई कुरा बाधक छन् । पहिलो हो नेपाली कांग्रेसले लिएको पछिल्लो सैद्धान्तिक नीति र दोस्रो संविधानको ब्यवस्था । कांग्रेसले संविधान जारी भएपछि दुई ठुलो दल एकै पटक सरकारमा जान नहुँने नीति लिएको छ । एमाले सरकारमा गए, कांग्रेस प्रतिपक्षमा र कांग्रेस सरकारमा गए एमाले पक्ष पक्षमा बस्नु पर्ने नीति लिएको छ ।
कांग्रेसको नीति र अडान परिवर्तन नभएसम्म राष्ट्रिय सहमतिको सरकार बन्न सक्दैन । कांग्रेस यो नीति परिवर्तन गर्ने पक्षमा छैन । यो नीति परिवर्तन गर्ने भए कांग्रेस प्रधानमन्त्री अध्यक्ष केपी ओली नेतृत्वको सरकारमा आउथ्यो । नीति बाधक बनेका कारण प्रतिपक्षमा बस्यो । तर माओवादी केन्द्रले यो नीति बुझदा बुझदै पनि राष्ट्रिय सहमतिको सरकार निर्माण गर्ने निर्णय लियो र त्यसको पहल गर्ने जिम्मा अध्यक्ष पुष्पकमल दाहाल प्रचण्डलाई दियो । जो राजनीतिक हिसावले निकै अपरिपक्व निर्णय छ ।
राष्ट्रिय सहमतिको सरकार बनाउन हाम्रो संबैधानिक ब्यवस्थाबाट पनि सम्भव छैन । एउटा मात्र दल र एउटा मात्रै ब्यक्तिले असहमति जनाएपनि राष्ट्रिय सहमतिको सरकार बन्दैन । सवै दल एक ठाउँमा एउटा सानो दल अर्काे ठाउँमा अभिएर बनेको सरकार बहुमतिय नै हुन्छ । अहिले दलहरुले लिएका नीति र ब्यवहारलाई हेर्दा राष्ट्रिय सहमतिको सरकार बन्ने सम्भावना छैन ।
यी दुवै कुरा माओवादी केन्द्रका नेताहरुलाई राम्रैसँग थाहा थियो । तरपनि नहुँने काममा उनीहरुले हात हालिरहेका छन् । १६ बुँदे सहमति र संविधान कार्यान्वयन, भूकम्प पीडितलाई राहत तथा पुर्नसंरचना र सरकारले लिएको राष्ट्रिय स्वाधिनता तथा समृद्धिको ऐजेण्डामा माओवादीले छलफल गर्नु पर्दथ्यो । वर्तमान सरकारको लोकप्रियता चुलिएका बेला माओवादीले सरकार परिवर्तनको खेल खेलेको छ । अन्तगोत्वा यसको क्षति माओवादी केन्द्रलाई नै हुने निश्चित छ । स्वाधिनता र विकासका लागि यो सरकारका पक्षमा जनमाहोल छ । माओवादीले यी चार ऐजेण्डामा छलफल गर्नु पर्दथ्यो ।
अहिले अर्को खेल पनि भइरहेको छ । एमालेलाई बाहिर राखेर कांग्रेस–माओवादीको सरकार बनाउने खेल सुरु भएको छ । यसले एमालेलाई कुनै घाटा हुँदैन र एमाले आत्तिएको पनि छैन । मनमोहन अधिकारी नेतृत्वको लोकप्रिय सरकार ढालेपछि कांग्रेस स्थानीय निकायको निर्वाचनमा पराजित भएको थियो भने एमालेले निकै ठुलो बहुमत ल्याएको थियो । अहिलेको अवस्था पनि त्यही हो ।
(पोखरेलसँग गरिएको कुराकानीका आधारमा)
|
|
Post a Comment