|
|
जिल्ला प्रहरी कार्यालय गोरखाका प्रहरी नायव उपरीक्षक बीरेन्द्र थापाका अनुसार गोरखा ताप्ले- ७ का ७६ वर्षीय डिल्लीराम भट्टको नामजुङ् गाविसमा रहेको बेनीघाट पुलबाट हामफाल्दा बुढीगण्डकीले बगाएर मृत्यु भएको हो ।
भट्टले पुलमाथिबाट हाम्फालेको सूचना प्रहरीलाई प्राप्त हुनासाथै प्रहरीले गोरखा र धादिङको दुबै किनारमा उनको खोजी गरेको थियो । भट्टको लास धादिङको मैदी गाविस– ९ को गजियार भन्ने स्थानमा फेला परेको थियो ।
मृतक भट्टले पुलबाट हामफाल्नु अघि पुलमा खोली छाडेको कपडा समेत प्रहरी फेला पारेको थियो । घटनाका विषयमा थप अनुसन्धान भइरहेको जिल्ला प्रहरी कार्यालय गोरखाले जानकारी गराएको छ । बृद्धले पुलबाट हाम्फाल्नुको कारण खुल्न नसकेको र परिवाजनलाई खबर पठाइ सकिएको प्रहरीले जनाएको छ ।
मोबाईल टावरबाट खस्दा मृत्यु
यसैगरी धादिङ जिल्लासँगै जोडिएको गोरखाको आरुघाट बजारमा रहेको नेपाल टेलीकमको टावर मर्मत गर्ने क्रममा टावरबाट खसेर एक जना प्राविधिक कामदारको मृत्यु भएको छ ।
हुवावे कम्पनीबाट बिग्रेको मोवाइल टावरका उपकरणसहित मर्मतका लागि आएका अनिल ताम्राकारको मृत्यु भएको हो ।
गोरखाको आरुचनौटे–१ को आरुघाट बजारमा रहेको टावरमा खराबी आएपछि राजधानीदेखि मर्मतका ताम्राकार आएका थिए । थानकोट निवासी २४ वर्षका अनिल ताम्राकार टावरबाट खसेर गम्भीर घाइते भएका थिए ।
उनलाई सामान्य उपचार पछि थप उपचारको लागि राजधानीको न्यूरो अस्पताल भर्ना गरिएको भएपनि उपचारकै क्रममा मृत्यू भएको आरुघाट स्थित प्रहरीले जनाएको छ । उनी २० मिटरको उचाईबाट खसेका थिए ।
|
|
Post a Comment