फुटबलर बिमल भन्छन्ः ‘अब बहिनीको लागि लड्छु’

काठमाडौ,१९ जेठ ।

आफ्नै बहिनीको हत्या भएको पिडामा डुबेका नेपाली राष्ट्रिय फुटबल टोलीका स्ट्राइकर विमल घर्तीमगरले आफ्नो बहिनीलाई न्याय दिलाउन लड्ने प्रतिक्रिया दिएका छन् । बिमलले आफ्नो फेसबुक स्टाटस्मा लेखेका छन्ः‘आजसम्म देशको लागि लडें, अब बहिनीको लागि लड्छु ।’ विमलले आफ्नी बहिनी मनिषाको‘ हत्या’ गर्नेमाथि कारवाही गर्नुपर्ने माग गरेका छन् ।
फेसबुक स्टाटस्मा विमलले लेखेका छन्ः‘ सानो छँदा बाबु गुमाएँ । बाबु पनि देशको लागि लड्नुहुन्थ्यो । बिस्तारै त्यो पीडा भुल्दै जाँदा आज १० वर्ष भएको थियो । आज अर्को पीडा थपियो मेरो परिवारमा । मैले पनि देशका लागि कति गरेँ, तर मेरो घरमा यस्तो हुँदा सरकारले केही गरेन भने यो देशका लागि गरेर के काम ? एउटा आज देशको लागि गर्ने मान्छे सुरक्षा छैन भने अरु आम नेपाली जनता कसरी बस्नु यो नेपालमा ? मेरो बहिनीको हत्या गर्ने मान्छेलाई कारवाही भएन भने यो देशको लागि के गर्नु । आज म रोइरहेको छु, भोलि अरु कोही रोइरहेको होला । मलाई सबको साथ चाहिएको छ । अब देशको लागि लडें अब बहिनीको लागि लड्छु ।’ Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..