|
|
प्रहरीले राजधानीको न्युरोड क्षेत्रमा सञ्चालित हुन्डीको कारोबारमा संलग्न पाँचजना सञ्चालकसहित १५ जनालाई बुधबार साँझ पक्राउ गरेको छ ।
उनीहरूको साथबाट प्रहरीले एक करोड ७४ लाख ९९ हजार ६५० र चेकहरू बरामद गरिएको महानगरीय अपराध अनुसन्धान महाशाखाका प्रमुख वरिष्ठ प्रहरी उपरीक्षक सर्वेन्द्र खनालले जानकारी दिए । प्रहरीले न्युरोडमा मोबाइल पसल सञ्चालन गर्दै आएका सुरेन्द्रकुमार गोयलबाट ५० लाख ६५ हजार नेपाली र एक लाख भारतीय रुपैयाँ, हुन्डीका लागि आएका ग्राहक प्रकाश शर्माबाट १५ लाख १३ हजार ५००, अर्का ग्राहक आकाश देवबाट १२ लाख ६६ हजार रकम प्राप्त गरेकै अवस्थामा बरामद गरेको छ । त्यसैगरी पशुपति प्लाजामा रहेको हंशमनी ट्रान्सफरबाट पाँच लाख, प्रभु मनि ट्रान्सफरबाट तीन लाख ४२ हजार बरामद गरेको छ । त्यस्तै नयाँ सडक क्षेत्रकै प्याफलमा रहेको शङ्कर अग्रवालको पसलबाट २९ लाख ५० हजार, अर्जुन कँडेलबाट ६ लाख ५० हजार, फुर्वा शेर्पाबाट १२ लाख प्रहरीले बरामद गरेको छ । महाशाखाको टोलीले पशुपति प्लाजामा रहेको पूर्णलक्ष्मी इन्टरप्राइजेजका सञ्चालक सूर्यकुमार शर्माबाट २० लाख, न्यु मारुति इन्टरप्राइजेजका सञ्चालक सन्दिप अग्रवालबाट १३ लाख बरामद गरेको छ । प्रमुख खनालले उनीहरूले अवैधरुपमा हुन्डीको कारोबार गरिरहेको र अस्ष्ट्रेलिया, बेलायत, थाइल्याण्ड र युएइमा हुन्डीमार्फत कारोबार गरिरहेको प्रारम्भिक अनुसन्धानबाट खुलेको बताए । रासस२९ वैशाख, बर्दिया । हरेक आमाबाबु चाहन्छन् कि छोराछोरी बुढेसकालको साहारा बनोस् । ठूलो भएपछि आफूलाई गाह्रो सारो पर्दा हेरिदेओस् ।तर, सबै आमाबाबुको यो आकांक्षा पुरा हुँदैनन् । उनीहरु निर्दयी पनि भइदिन्छन् । बर्दियाको वानियाभार गाविस वार्ड न ४ की ६० वर्षीय मल्ल थरकी एक महिलाको जीवनमा यस्तै भएको छ ।उनले कहिल्यै सोच्दै नसोचेको घटना भयो । र, आफ्नो छोरा ‘बलात्कारी’ बनेर आए । वानियाभार प्रहरी चौकीमा एक पुरुषले आफ्नै आमालाई कुटपिट गरेको खबर आयो । स्थानीयले खबर गरेपछि प्रहरी टोली पुग्यो । करिव ३/४ महिना अघि मात्र पती गुमाएकी महिलाले उनकै ३० वर्षे छोराले कुटपिट गरेका रहेछन् । कुटपिटका कारण पीडित महिलाको अनुहार तथा शरीरको विभिन्न भागमा चोट लागेको छ । सोधपुछका क्रममा पीडित महिलाले जे भनिन्, त्यो सुन्दै कहाली लाग्दो थियो । उनले प्रहरीलाई बताए अनुसार उनका छोराले बुधबार विहान करिव ४ बजे बलात्कारको प्रयास गरेका थिए । उनका श्रीमती माइत गएकी थिइन् । विहानै मदिराले मात्तिएका छोराले आफूलाई बलात्कारको प्रयास गरेको पीडित महिलाले रुँदै प्रहरीलाई सुनाइन् । उनलाई अहिले स्वास्थ्य परीक्षणका लागि अस्पताल लगिएको छ । अनुसन्धानमा खटिएका प्रहरीका अनुसार पीडित महिलाले दिएको बयान सही देखिएको छ । यद्यपि मेडिकल रिपोर्ट आउन बाँकी छ । आमालाई करणी गरेको आरोपमा पक्राउ परेका युवकले अझै मुख खोलेका छैनन् । घटनाबारे अनुसन्धान भइरहेको प्रहरीले जनाएको छ ।
|
|
Post a Comment