|
|
पूर्व युवराज पारस शाह खप्तडबाट कोहलपुर आईपुगेका छन् । दुई साता पहिले सुदुर पश्चिम पुगेका पारस १० दिन खप्तडमा बिताएर काठमाडौं फर्कने तयारी संगै आइतबार कोहलपुर आईपुगेका हुन् ।
बर्षेनी खप्तडमा हुने गंगादसहरा मेलाका लागी गएका भनिएपनि पारस गंगादसहरा मेलाको तेस्रो दिन असार ३ गते मात्र खप्तड पुगेका थिए । डोटिको झिंग्राना हुँदै खप्तड पुगेका पारसको साथमा बहिनी शिताष्मा राज्य लक्ष्मी शाह, उनका नजीकका मित्र योगी ब्यग्र बेदनाथ, राजेश बहादुर सिंह लगाएतका ब्यक्तीहरु खप्तड पुगेका थिए ।
बिभिन्न गतिबिधीले चर्चामा आईरहने पूर्व युवराज पारस शाहको पछिल्लो समयको खप्तड भ्रमण पनि चर्चामा रह्यो । एकाएक उनि लामो समय बस्नेगरि खप्तड पुगेपछि बिभिन्न ब्यक्ती र सञ्चार माध्यमले उनको भ्रमणबारे चासो देखाएका थिए भने पूर्व युवराजको सुदुरपश्चिम भ्रमणले सुदुर पश्चिमका जनता उत्साहित भएका थिए ।
पारसलाई सुदुर पश्चिमका जनताले स्वागत गर्नुका साथै उनि खप्तड जान आउँदैछन् भन्ने थाहा पाउने स्थानियहरु उनलाई हेर्न बाटो कुरेर बसेका थिए । १० दिन खप्तडमा रहँदा पारस अत्यन्त खुशि देखीए ।
मेरिटेसन, खप्तड स्वामी र खप्तडको ईतिहास लगाएतका कुराहरुमा थप चासो र घुमघाममा १० दिन बिताएका उनले आफुलाई खप्तड अत्यन्त मन परेको र फेरी पनि समय मिलाएर खप्तड आउने बताएका छन् ।
|
|
Post a Comment