खैरो हेरोइनसहित तीन जना माओवादी पूर्वलडाकु पक्राउ

काठमाडौ,२३ जेठ ।
लागुऔषध ब्राउन सुगर(खैरो हेरोइन) सहित प्रहरीले तीन जना पूर्व लडाकुहरुलाई पक्राउ गरेको छ । महानगरीय प्रहरी बृत बालाजुबाट खटिएको टोलीले माछापोखरीबाट रुकुम र रोल्पा घर भएका माओवादीका पूर्व लडाकुहरुलाई पक्राउ गरेको हो । रुकुम चुनुवाङका जगत पुन, रोल्पा कोटगाउँका अक्तबहादुर घर्तीमगर र रोल्पा गैरीगाउँका प्रवेश डि.सी.ब्राउन सुगरसहित पक्राउ परेको बालाजु प्रहरीले जनाएको छ । बालाजु बृतका अनुसार उनीहरुको साथबाट ६८ ग्राम ब्राउन सुगर अर्थात खैरो हेरोइन बरामद भएको छ ।
२८ वर्षीय जगत पुन सेना समायोजनताका ५ लाख रुपैयाँ बुझेर स्वेच्छिक अवकाश लिएका पूर्वलडाकु भएको प्रहरी अनुसन्धानबाट खुलेको छ । पक्राउ परेका अन्य पनि पूर्व लडाकु हुन् तर उनीहरुले सेना समायोजन भन्दा अघि नै माओवादी छाडेको बताइएको छ ।
माछापोखरीमा शंकास्पद तरिकाले हिंडिरहेका जगत पुनसहितका युवाहरुलाई सोधपुछ गर्दा स्पष्ट नबोलेको र भाग्न खोजेपछि प्रहरीले नियन्त्रणमा लिएको बालाजु बृत्तले जनाएको छ । तिनै जनाको शरिर खानतलासी गर्दा खैरो हेरोइन भेटिएको थियो । उनीहरु खैरो हेरोइन बिक्री गर्ने उद्देश्यसहित हिँडिरहेको अवस्थामा पक्राउ परेको प्रहरीले जनाएको छ । Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..