द्रुतमार्गमा बस र कार ठोक्किदा १७ जनाको मृत्यु

मुम्बई,२३ जेठ ।
भारतको मुम्बइमा भएको सडक दुर्घटनामा १७ जनाको ज्यान गएको छ । मुम्बई–पुणे द्रुतमार्गको पनवेलमा रोकिराखेको दुई वटा कारलाई यात्रु बसले ठक्कर दिँदा अन्य ३३ जना घाइते भएका छन् । घाइतेको मुम्बईको एमजिएम अस्पतालमा उपचार भइरहेको छ । पुणेबाट मुम्बईका लागि छुटेको कार पनवेलमा टायर बिग्रिएर रोकिएको थियो ।
अर्को कारले बिग्रिएको कार बनाउन सहयोग गरिरहेको बेला बसले ठक्कर दिएको हो । दुवै कारका यात्रु टायर फेर्ने लागेका बेला साताराबाट मुम्बईका लागि छुटेको निजी बसले ठक्कर दिएको प्रहरीले जनाएको छ । दुई कारलाई ठक्कर दिएको बस बाटोबाट २० फिट तल खसेको थियो ।
दुर्घटनामा ज्यान जानेमा एक ६ महिनाको बच्चा, १० महिला र ६ पुरुष छन् । घाइतेको अवस्था गम्भीर छ । घटनाको जानकारी पाएलगैत प्रहरी उद्धार तथा राहतका लागि घटना स्थल पुगेको थियो । दुर्घटनाको विषयमा अनुसन्धान भइरहेको प्रहरीले जनाएको छ । Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..