|
|
बैशाख २३ गते एमाले र माओवादीबीच ९ बुँदे सहमति भयो । सरकारले नीति तथा कार्यक्रम र बजेट ल्याउने पूर्व सध्यामा सरकार परिवर्तन नगर्न माओवादी राजी भएपनि अलिखित तीन बुँदे भद्र सहमति भएको बताइएको छ ।
नौ बुदेमा सरकार परिवर्तनको बिषय कही उल्लेख नभएपनि त्यस वाहेक भएको भनिएको ३ बुँदे सहमतिको पहिलो बुँदामा बजेट प्रस्तुत गरेपछि वर्तमान प्रधानमन्त्री केपी शर्मा ओलीले राजीनामा दिने र एमाले प्रस्तावमा पुष्पकमल दाहालको नेतृत्वमा सरकार गठन गर्ने सहमति भएको तथ्यहरु यतिबेला सार्वजनिक भइरहेका छन् ।
माओवादी नेताहरुले एमालेसँग भएको भद्र सहमतिबारे केही तथ्यहरु सार्वजनिक गर्न थालेपछि प्रधानमन्त्री केपी शर्मा ओलीले भने सरकार परिवर्तन गर्ने कुनै सहमति नभएको बताएका छन् । प्रधानमन्त्री ओलीले वर्तमान सरकारले बजेट कार्यान्वयन गर्ने दाबी गर्दै सरकारको नेतृत्व परिवर्तन गर्ने विषयमा एमाओवादीसँग
कुनै पनि प्रकारको गोप्य सम्झौता नभएको स्पष्ट पारे ।
एमाले भित्रकै कतिपय नेताहरु भने त्यतिबेला भएको भद्र सहमति कार्यान्वयन हुनुपर्ने बताइरहेका छन् । एमाले र माओवादीका शीर्ष नेताहरुले एक साथ हात उठाएर नौ बुँदे सहमति गरेको र त्यही अनुसार सरकार परिवर्तन गर्नु पर्ने पक्षमा एमालेकै नेताहरु लागि परेका छन् । यसबारे एमालेका पोलिव्युरो सदस्य तथा सांसद गंगालाल तुलाधर ।
अहिले नीति तथा कार्यक्रम प्रस्तुत भइसकेको तथा बजेट आइसकेको अवस्थामा माओवादी नेताहरु ३ बुँदे भद्र सहमति कार्यान्वयन हुनुपर्ने पक्षमा देखिएका छन् । बजेटकै बिषयमा समेत माओवादीले आफूले भनेको कार्यक्रम नपरेको भन्दै असन्तुष्टि व्यक्त गरेको छ । माओवादीका तर्फबाट प्रस्तावित कतिपय कार्यक्रमलाई सरकारले महत्व नदिएपछि माओवादी फेरि असन्तुष्ट बनेको छ ।
असन्तुष्टि बढेपछि प्रधानमन्त्री ओली र माओवादी केन्द्रका अध्यक्ष पुष्पकमल दाहालबीच सरकारले प्रस्तुत गरेको बजेटका विषयमा छलफल भयो । प्रधानमन्त्री निवास वालुवाटारमा भएको छलफलमा तामाकोशी जलविद्युत आयोजनामा युद्धका शहीद परिवारलाई १० लाख बराबरको शेयर दिने, किसानलाइ पेन्सन लगायतका विषयमा केन्द्रित थियो ।
बजेट आइसकेपछि माओवादीले अहिले पूर्व सहमतिको पालना गर्नुपर्ने र असार १५ गतेभित्र नयाँ सरकार बनाउनु पर्ने बिषयलाई जोड दिन थालेको छ ।
|
|
Post a Comment