फेवातालमा हराइरहेका दुई युवाको शब भेटियो

साउन  २७,पोखरा –
 पोखराको फेवातालमा डुबेका दुई युवाको शब भेटिएको छ । सोमवार डुंगा दुर्घटनामा डुबेका दुई जनाको शब विहिवार विहान फेला परेको हो । काठमाडौं चक्रपथका १८ बर्षीय प्रतिक श्रेष्ठ र बसुन्धराका २३ बर्षीय एलिन केसीको शब पानीको तैरिरहेको अबस्थामा फेला पारिएको प्रहरीले जनाएको छ । डुंगा दुर्घटनापछि लगातार खोजीमा डुबेको प्रहरी टोलीले मंगलवार विहान ६ बजे घटनास्थलदेखि झण्डै ३ सय मिटर वर केसीको शब भेटेको थियो । श्रेष्ठको शब घटनास्थलमै पानीमा तैरिरहेको अबस्थामा विहान ७ बजे भेटिएको हो । सोमवार तालपारीको लेक हाउस होटलमा खाना खाएर फर्किदै गरेका ८ जना सवार डुंगा दुर्घटना हुदा ६ जनालाई जिवितै उद्धार गरिएको थियो । दुई जनाको मृत्यु भएको हो ।

 डुंगामा क्षमता भन्दा बढी यात्रु चढाएको साथै सुरक्षाको लागि लाईफ ज्याकेट समेत नलगाएकाले मानविय क्षती भएको हो । दुबै युवाको शब पश्चिमाञ्चल क्षेत्रीय अस्पतालमा पोष्टमार्टम पछि आफन्तको जिम्मा लगाईने कास्की प्रहरीले जनाएको छ । श्रेष्ठ जापानबाट एक महिनाको छुट्टीमा नेपाल आएका थिए भने केसी पनि अष्ट्रेलियाबाट एक महिनाको लागि नेपाल आएका थिए । साथीहरुसँगै आईतवार पोखरा घुम्न आएका उनीहरु सोमवार अपरान्ह् तालमा डुबेका हुन् । Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..