|
|
साउन ३, एजेन्सी ।
विश्वको सम्पूर्ण समुदाय प्रति एक उदारहणीय बन्दै बेलायती राजकुमार ह्यारीले एचआईभी परीक्षण गरेका छन् । एचआईभी परीक्षण कति सजिलो छ र यसबारे सर्बसाधरणमा देखिएका भ्रम अन्त्य गर्न उनले एचआईभी परीक्षण गरेका हुन । ३१ वर्षीय राजकुमारको लन्डनस्थित बरेल स्ट्रिट यौन स्वास्थ्य केन्द्रमा भएको हो । परीक्षणको नतिजा एक मिनेटमा नै पाएका थिए । परीक्षणको परिणाम नेगेटिभ आएको थियो । ‘यति चाँडो परीक्षण हुँदो रहेछ, निकै अचम्म लाग्यो,’ उनले भने ।
रगत परीक्षण गर्दा आफू नर्भस भएको उनले बताए । ‘आम सर्वसाधरण जस्तै रक्त परीक्षणको नतिजालाई लिएर केही क्षण त निकै डर लाग्यो,’, उनले डर लागेको कुरा खुलासा गरे । एचआईभी परीक्षणबारे अझै पनि भ्रम देखिएको भन्दै त्यस्तो भ्रम हटाउन रगत परीक्षण गरिएको उनले बताए । ‘तपाईं पुरुष, महिला, समलिंगी, गोरो वा अश्वेत जो सुकै भए पनि एचआईभी परीक्षण गर्नुपर्छ, ’ आफ्नो परीक्षणबारे जानाकारी राख्न ढीलाई गर्न नहुने राजकुमारको भनाई थियो । ह्यारीले गरेको रक्त परिक्षणको भिडियो हेर्नुहोस -
|
|
Post a Comment