|
|
पोखरा, ८ साउन ।
बिहीबार पोखराको डेभिजफल्समा हामफालेका दिपेन्द्र पौडेलको शव फुस्रेखोलामा फेला परेको छ । पातले छाँगोको टिकट काउन्टरमा कार्यरत पौडेल बिहीबार बिहान करीब ११ बजे हामफालेका थिए ।
पौडलको शव आज फुस्रेखोलामा भेटिएको प्रहरीले जानकारी दिएको छ । पानीको वहाब बढी भएका बेला छागोमा हामफालेकाले बगेर शवलाई खोलामा पुगेको प्रहरीको अनुमान छ ।
हामफालेको कसैले नदेखेपनि उनले लगाउने कपडा, पर्स र चप्पल छाँगोको डिलमा भेटिए पछि खोजी गरिएको थियो । खोजीमा खटिएको क्षेत्रीय प्रहरी गणको उद्धार टोलीले फुस्रे खोलामा शब फेला पारेको हो । उनको शब पोष्टमार्टमको लागि पश्चिमाञ्चल क्षेत्रीय अस्पतालमा लगिएको छ ।
पछिल्लो समय पातले छाँगो आत्महत्या गर्ने थलोको रुपमा बिकसित हुँदै गएको छ ।
|
|
Post a Comment