|
|
देशको कृषि व्यवस्थालाई कस्तो नीति नियम ल्याउँदा उत्पादन बढ्छ, कृषकको श्रीवृद्धि कसरी गर्न सकिन्छ भनेर लाग्नुपर्ने हो ।
तर हाम्रो देशका सचिव भने नेपाली युवा युवतीलाई विदेशमा कृषि क्षेत्रमा रोजगारी लगाइदिन्छु भन्दै ठगीधन्दामा लागेका छन् ।
प्रसंग हो कृषि विकास मन्त्रालयका सचिव उत्तमकुमार भट्टराईको विमर्शले खबर छापेको छ ।
उहाँ अहिले नेपालको कृषि क्षेत्रको भन्दा इजरायलको कृषि क्षेत्रको चिन्ता गर्दै हिँडनुभएको छ । वैदेशिक रोजगारीको लागि इजरायल पठाइदिन्छु भन्दै भट्टराई अहिले प्रत्येक युवा युवतीसँग १ लाखका दरले रकम उठाउँदै हिँड्न थाल्नुभएको बताइन्छ ।
उहाँले अहिलेसम्म ५ हजार युवायुुवतीसँग ५० करोड उठाएर अलपत्र पार्नुभएको स्रोतले बतायो । उहाँले साना विकास बैंकमार्फत इजरायलको कृषि क्षेत्रमा रोजगारी खुलेको बताएर रकम उठाउनुभएको भन्दै १ दर्जन पीडितले वैदेशिक रोजगार विभागमा मुद्दा दर्ता गराएपछि यो रहस्य खुलेको हो । रकम उठाउनका लागि भट्टराईले रिया लामालाई प्रयोग गर्नुभएको स्रोतले जाकारी दिएकोछ ।
लामा अहिले विभागको हिरासतमा हुनुहुन्छ । साना विकास बैंकमा आएको कोटामा कृषि विकास मन्त्रालयको सिफायिरसमा करिब ५ हजार युवायुवतीलाई इजरायलमा रोजगारी खुलेको भन्दै गोप्य रुपमा रकम उठाइएको थियो ।
साना विकास बैंकले भट्टराईले ठगी गरेको थाहा पाएपछि सचिवको सिफारिसमा आएका व्यक्तिलाई लिन नमानेपछि पीडितहरुले आफू ठगिएको थाहा पाएका हुन् ।
सचिव भट्टराईले अधिकारको दुरुपयोग गरी बैंकबाट छिराउने भन्दै मन्त्रालयको लेटरहेडमा आवश्यक कागजात तयार पार्नुभएको थियो । मन्त्रालयको कागजको आधारमा ५ हजार बढी युवायुवतीले सजिलै रकम बुझाएका थिए ।
तर बैंकले सो कुरा थाहा पाएपछि मन्त्रालयको नाममा आएका युवा युवतीलाई लिन मानेन ।
पीडितमध्ये एक सन्तबहदाुर राईका अनुसार इजरायलमा कृषि क्षेत्रमा रोजगारीमा पठाइदिने कागज पाएपछि १ लाख बढी रकम बुझाएर करिब ३ हजार बढीले स्वास्थ्य परिक्षणसमेत गरिसकेका छन् ।
|
|
Post a Comment