|
|
जनताको हित बिपरित काम गरेको भन्दै जिविसका प्राविधिक जनक रोकायालाई सोमबार विहान सदरमुकाम मानमा बजारमा कालोमोसो दलेका हुन् ।
प्राविधिक रोकायाले विगत लामो समय देखि जिल्लाका विभिन्न विकास निर्माणका योजनाहरुमा उपभोक्ता समितिबाट ३० प्रतिशत बढि रकम कमिशन खाने गरेको र विकास निर्माणका कामहरु गुणस्तरहीन गरेको माओवादीले जनाएको छ ।
कर्णाली रोजगार कार्यक्रममा सामान खरिदमा २५ प्रतिशत रकम कमिशन लिई योजनाहरु अधुरा गर्ने गरेको र एक करोड भन्दा ठुला योजनाहरुमा दुई देखि तिन लाख सम्म कमिशन माग्ने गरेकोले जनकारबाही स्वरुप रोकायामाथि कालोमोसो दलेको विप्लव माओवादी कालीकोटका जिल्ला सेक्रेटरी लोकजङ्ग शाहीले बताएका छन् ।
सार्वजनिक स्थलमा प्राविधिक रोकायामाथि अभद्र व्यावहार गरेको भन्दै घटनामा संलग्न भएको अभियोगमा माओवादी पूर्व जनसरकार प्रमुख तथा भेरी कर्णाली मुक्ति मोर्चाका कर्णाली संयोजक कर्ण बहादुर भण्डारीलाई प्रहरीले नियन्त्रणमा लिएको छ ।
उक्त घटनामा संलग्न हुनेहरुको खोजी कार्य भइरहेको प्रहरी निरिक्षक टेक बहादुर जोराले बताएका छन् ।
|
|
Post a Comment