|
|
पशुपतिनाथ मन्दिर क्षेत्रमा असार ७ गतेदेखि योग महोत्सव हुने भएको छ । पशुपतिनाथ सेवक संघ र आनन्द मार्ग प्रचारक संघले अन्तर्राष्ट्रिय योग दिवसको अवसर पारेर पाँच दिने योग महोत्सव गर्ने भएका हुन् । दुबै संस्थाले आइतबार काठमाडौंमा पत्रकार सम्मेलन गरेर योग महोत्सवबारे जानकारी दिएका छन् ।
महोत्सव अन्तर्गत असार ८ गते विभिन्न संघ संस्था, स्कुल र कलेजमा योग प्रशिक्षण कार्यक्रम राखिएको छ । उनीहरुका अनुसार महोत्सव अन्तर्गत ९ गतेदेखि ११ गतेसम्म पशुपतिस्थित पशुपति सुमार्गी भवनमा योगासन, योग शिक्षा, सामूहिक साधना, मौन ब्रत, आध्यात्मिक साँस्कृतिक सन्ध्या लगायतका गतिविधि गरिने छ । तीन दिने कार्यक्रममा सहभागी हुनका लागि जनही १ हजार १ सय रुपैयाँ शुल्क तोकिएको छ ।
|
|
Post a Comment