|
|
डनहरु इन्काउन्टरमा मारिने डरले धमाधम भारत पलायन हुन थालेका छन् | त्यही क्रममा इन्काउन्टरमा मारिएका ‘डन’ कुमार श्रेष्ठ ‘घैंटे’ का उत्तराधिकारीका रुपमा चर्चित छोटे ‘डन’ भनिने समिरमानसिंह बस्नेत पनि भारतको राजधानी दिल्ली पलाएन भएका हुन | प्राप्त खबर अनुसार समिरमानसिंह बस्नेत दिल्लीमा भए पनि उनले उताबाटै आफ्नो धन्दा जारी राखेका छन् ।
केहि दिन अघि टोले गुण्डा भन्दै जसवन्त राईलाई गोलि हानी आफ्नो नियन्त्रणमा लिएको थियो | महानगरिय अपराध महाशाखाका अनुसार जसवन्त राई समिरका सहयोगी रहेको र समिरको धन्दा नेपालमा जसवन्त राईले हेर्ने बताएका छन् |
समिरमानसिंह बस्नेतले महाशाखाको टोलीलाई आक्रमण गर्न साजन गुरुङ र उनका सहयोगी कारजोन गुरुङलाई खटाएका थिए जसको योजना उनीहरुले बनाएको टेलिफोन रेकर्ड तथा एसएमएसहरु प्रहरीले फेला पारेको थियो । यही आधारबाट साजन गुरुङ र कारजोन गुरुङलाई महाशाखाले पक्राउ गरेको थियो ।
समिर बस्नेतले अहिले राधे भण्डारीलाई टेण्डरमा हुने असुलीदेखि हप्ता असुली र विभिन्न आपराधिक कृयाकलापमा संलग्न गराएको महाशाखा स्रोत बताउँछ । चरिमाथि गोली हानेको मुद्दामा सजाय भोगी कारागारबाट छुटेका राधेले सहयोगी शिव खड्कालाई पनि परिचालन गरी प्रहरी भित्र गुप्तचरी गरेर बस्नेतलाई सूचना पुगाउने गरेको पनि महाशाखाले जानकारी पाएको बताउँछ | अपराध महासाखा डन हरु मा अझ कडा रुप मा प्रस्तुत भएकाले बस्नेतले नेपाल आउन नसक्ने अवस्था देखेपछि बाफलमा रहेको घर एक करोड पचास लाखमा बेचिसकेको र अमेरिका पलायन हुन खोजेको प्रहरी स्रोत बताउँछ ।
|
|
Post a Comment