|
|
काठमाण्डौ ।
आज बिहान ९ बजे बागबजारको पुरानो बसपार्क, नजिक अद्धैत मार्गमा एक युवती माथि छुरा प्रहार भएको छ ।
अन्दाजी २५ वर्षकी युवती सुष्मा धामी थापालाई आफ्नो श्रीमती बताउने धलकबहादुर थापाले छुरा प्रहार गरेका हुन् । घाइतेको अवस्था गम्भीर रहेको छ भने हाल ती युवतीको काठमाडौँको मोडल हस्पिटलमा उपचार भइरहेको छ ।
प्रत्यक्षदर्शीका अनुसार स्थानीय एक व्युटिपार्लरमा पार्लर सिक्न आउने जाने गरेकी ती युवती माथि छुरा प्रहार भएको हो । पार्लर भएकै घरको प्यासेजमा छिरेर अन्दाजी वर्ष ३२ का एक युवकले छुरा प्रहार गरी गम्भीर घाइते बनाएका हुन् ।
घाइतेको ढाडमा छुरा प्रहार गरिएको स्थानीयले बताए । तर प्रारम्भिक चेकजाँचको क्रममा युवतीको छातीमा छुरा प्रहार भएको मोडल हस्पिटलमा उपचार भइरहेको छ ।
छुरा प्रहार गरेको देखेपछि स्थानीयले ति युवकलाई पक्राउ गरी प्रहरीको जिम्मा लगाएका थिए भने घाइतेलाई पनि स्थानीयले नै हस्पिटलसम्म पुर्याएका थिए ।
स्थानीयका अनुसार उनीहरु श्रीमान–श्रीमती नै भएको तर केही समयदेखि छुट्टिएर बसेको बुझिएको छ । प्रहरीले घटना स्थल, घाइते र आरोपीको विषयमा अनुसन्धान सुरु गरेको जनाएको छ ।
छुरा प्रहार गर्ने धलकबहादुर थापा प्रहरी नियन्त्रणमा रहेका छन्
|
|
Post a Comment