|
|
असार ६,
धादिङमा सोमबार बिहान यात्रुवाहक बस दुर्घटना हुँदा चालकसहित दुई जनाको ज्यान गएको छ । धादिङको धनुषा गाविस वडा नम्बर १ चरौंदीस्थित पृथ्वीराजमार्गमा जनकपुरबाट काठमाडौंका लागि छुटेको यात्रुवाहक रात्री बस दुर्घटना हुँदा दुई जनाको ज्यान गएको हो । इलाका प्रहरी कार्यालय गजुरी धादिङले सोमबार बिहान ६ बजे तिर पृथ्वी राजमार्गको चरौँदीमा ना ५ ख २०८१ नम्बरको बस चरौंदी खोलाको पुलको पर्खालमा ठोक्किएर दुर्घटनाग्रस्त भएको जनाएको हो। उक्त दुर्घटनामा परि ज्यान गुमाउनेहरुमा बसका चालक र एक यात्रु रहेको जनाइएको छ । ६० वर्षीय भारतीय नागरिक रत्नलालको घटनास्थलमा र चालक ४५ वर्षीय कृष्णलालको उपचारको क्रममा मृत्यु भएको प्रहरीले जानकारी दिएको छ । जिल्ला ट्राफिक कार्यालयका प्रमुख प्रहरी निरीक्षक मुरारी मिश्रले राति देखिनै सिमसिम पानी परिरहेकाले सडक चिप्लो भएर बस अनियन्त्रित हुन पुगेको हुन सक्ने जानकारी दिएका छन् । दुर्घटनामा गम्भिर घाइते भएका अर्का एक जनाको मलेखु अस्पतालमा उपचार भइरहेको जनाइएको छ । बसमा सवार अन्य यात्रु भने सकुशल रहेका छन । निरीक्षक मिश्रले उक्त दुर्घटनाबारे अनुसन्धान गरिरहेको जनाएका छन् ।
|
|
Post a Comment