|
|
प्रधानमन्त्री केपी शर्मा ओलीले पदभार ग्रहण गरेकै दिन मन्त्रिपरिषदको बैठकमा पहिलो निर्णय थिए । त्यो थियो देशभरका तुईन विस्थापित गरी झोलुङ्गे पुल बनाउने ।
ओलीले सरकार सम्हालेको ६ महिना पूरा भइसकेको छ र धेरै ठाउँमा झोलुङ्गे पुल बनिसकेका छन् । स्थानीय पूर्वाधार विकास तथा कृषि सडक विभागले सरकारको नीति अन्तर्गत देशका सबै तुइन विस्थापित गर्ने उद्देश्यले काम गरिरहेको विभागका पुल महाशाखा प्रमुख अमृत श्रेष्ठले जानकारी दिए ।
पाँचथरमा पनि बन्यो झोलुङ्गे पुल
सुदूरपूर्वी पहाडी जिल्ला पाँचथरको उत्तरपूर्वी मेमेङ गाविस वडा नं ३ र ६ जोड्ने बडारे झोलुङ्गे पुलको निर्माणकार्य सकिएको छ ।
जिल्ला विकास समिति पाँचथरको रु १७ लाख १३ हजारको सहयोगमा पुल निर्माण गरिएको कार्यालयका इन्जिनियर प्रेम काफ्लेले जानकारी दिए ।
त्यस ठाउँमा पुल बनेपछि मेमेङ–३ र ६ नं वडाका दुई सय घरधुरी प्रत्यक्ष लाभान्वित भएका छन् । पुल नबन्दा त्यस भेगका सर्वसाधारण खोलामा रहेको जीर्ण अवस्थाको काठे पुलबाट जोखिमपूर्ण यात्रा गर्न बाध्य रहेको स्थानीयवासी वीरेन्द्र केरुङले बताए ।
उनले भने – ‘पुल नबन्दा भत्किन लागेको काठे पुल त कहिले खोलाबाटै जोखिमपूर्ण यात्रा गर्न बाध्य थियौँ, वर्षात्को समयमा त झन समस्या थियो, तर अहिले पुल बन्यो हामीलाई धेरै सहज भएको छ ।’
|
|
Post a Comment