|
|
प्रसँग हो वुहान शहरबाट अहिले महामारीको रुपमा दुबो जसरी फैलिरहेको बिल्कुलै नयाँ खाले कोरोना भाईरस । चमेराबाट पहिलो पटक मानवमा सरेको आशंका गरिएको उक्त भाईरसबाट दर्जनौको ज्यान गैसकेको छ, सयौं जना संक्रमित भएको खबरहरु छन् ।
पंक्षीमा हवाइजहाज र चौपायामा गाडी वाहेक अरु क्यै टराइ नमार्ने मैले कुनै चाइनिज साथी भेटेको छैन ।
"अरु त अरु, चिप्ले किराको जुस, बनसाङ्ले र घरसाङ्ले मिसाएर बनाएको कोक्टेल सूप र गुइहे मुसाको पुच्छरको सुकुटी खाएर नि नपुगेर तिमीहरु सर्पको आन्द्रा, बाँदरको गिदी, गोहीको जिब्रो र गोहोरोको फियो खाने ?" भनेर एक पटक मैले एक जना चाइनिज साथीलाई के सम्झाएको थिएँ - उसले त
"काउ छावा लेइ ? लेइ उम्चिया फाङ्गयाउ । हउ सेक्कमा !" भनेर पो उल्टो थर्कायो ।
वास्तवमा महमारीहरु अन्य जीवहरुबाटै मानवमा सर्ने गरेका छन्न - चाहे सत्रौं शताब्दिको युरोपको प्लेग कुरा गरौं वा एक्काइसौं शताब्दीको अफ्रिकाको इबोला, सबै जीवबाटै सरेका हुन्, जीव बिज्ञान तथा चिकित्साशास्त्र दावा गर्छन् । आफ्नो ज्यानै त नगए पनि यस्ता महामारीहरुले हाम्रो जीवनमा पनि प्रतक्ष परोक्ष प्रभाव पार्छन् ।
अब सन् २०२० मा आएर चमेराबाट सरेको भनिएको नयाँ कोरोना भाईरस चाँडै नै नियन्त्रणमा आओस्, मुकुन्डो लाएर हिँड्न नपरोस् । तर चमेरा, गोही, गोहोरो, सर्प, चिचिमेरा, बाँदर, मुसा, सर्प वा साङ्ले जस्ता 'अप्राकृतिक' चीजवीज खानेहरुलाई भने गतिलो पाठ सिकाएर जाओस् यो कोरोना भाईरस् ।
त्यस्तैगरी नेपालबाट देखाइदेखाइ कावेलीको कत्ले र तमोरको असला माछा ल्याउनीलाई नभएनि लुकाइ लुकाइ बुढी गण्डकीको बाम र बेतनाको बुदुनाको सुकुटी ल्याउने सोल्टीहरु र हिथ्रो र ग्याट्वीकका कुइरेहरुलाई छक्काइ छक्काइ सुकेको गुन्द्रुक, सिन्की, सिस्नोको पिठो र ढिंडो/पपन्दा/तोर्मा को तयारी पिठो ल्याउने दिदीबहिनीहरुलाई पनि सानोतिनो पाठ बनेर गैहालोस यो कोरोना भाईरस् ।
अन्तमा, प्रसङबस चिनियाँहरुको खानकीको थोरै कुरो काट्न मन लागिहाल्यो । त्यसो त चिनीयाँहरुले पनि मलाई कुनै दिन तिमी लिम्बूले पनि त माटोको घ्याम्पोमा कोदाको जाँडलाई बर्ष दुएक जति छिप्पाएर हुर्काएको सेतो कुम्ले किरोको पेटमा पिपा गाडेर प्युँदै ख्याल-ख्यालमा चार इन्ची गर्छौ रेन्त? भनेर सोधिहालेछन् भने म पनि चुप म पनि नाजवाफ हुङ्ला ।
|
|
Post a Comment