|
|
खोटाङ, साउन ४ –
आफन्तलाई पठाएको रकम अर्कैले झिकेर बेपत्ता भएपछि खोटाङको बड्कादियाले–१ का नरेश राई समस्यामा पर्नुभएको छ । गएको जेठ–१२ गते हाम्रो खोटाङ कम्पनी दिक्तेलबाट आइएमई गरेर काठ्माडौं एकान्तकुना बस्ने काका नकुल राईलाई पठाएको १ लाख ५० हजार रुपैयाँ रकम अर्कैले झिकेर बेपत्ता भएपछि राई अप्ठ्यारोमा पर्नुभएको हो ।
आइएमईबाट रकम पठाउनेक्रममा नकुलको मोवाइल नम्बरको अन्तिम नम्बर फरक परेका कारण त्यो रकम फापरबारी–७ मकवानपुरका सरोज तिमल्सेनाले झिकेर भएको पीडित राईले बताउनुभयो । नरेशले आइएमई गरेको रकमका विषयमा दिइएको जानकारी भुलवस तिमल्सेनाको मोवाइलमा फोन गएपछि तिमल्सेनाले कागजात मिलाएर रकम झिकेको पीडितको भनाई छ ।
‘मेरो नाम उल्लेख हुनुपर्नेमा नकुल राईको नाम उल्लेख भएको’ भन्दै तिमल्सेनाले दाबी गरेपछि हाम्रो खोटाङ कम्पनीकै अनुमतीमा रकम दिइएको काठमाडौंस्थित नमस्ते रेमिटले जवाफ दिएको राईले बताउनुभयो । आफन्तलाई पठाएको रकम बेपत्ता भएपछि पीडित राईले खोजीकालागि जिल्ला प्रशासन कार्यालय, प्रहरी, स्थानीय शान्ति समिति र उद्योग बाणिज्य संघमा उजुरी दिनुभएको छ ।
|
|
Post a Comment