|
|
नयाँ दिल्ली, ३१ असार ।
करोडौं पर्ने सुनको सर्ट लगाएर गिनिज बुकमा नाम लेखाउन सफल भारतीय व्यापारी दत्तात्रेय फुगेको गएराति हत्या भएको छ ।
शुक्रबार राति गहना व्यापारी फुगेको हत्या भएको भारतीय सञ्चार माध्यमले जनाएका छन् । एउटा जन्मदिनको कार्यक्रमबाट घर फर्किने क्रममा उनको हत्या भएको हो । आक्रमणकारीले फुगेलाई ढुङ्गा तथा चक्कुले हानेर हत्या गरेका थिए । सधै २० २५ जना बडिगार्ड लिएर हिड्ने फुगे हत्या हुने समयमा भने एक्लै थिए ।
सन् २०१३ मा २ लाख ३५ हजार अमेरिकी डलर बराबरको सुनको सर्ट बनाएर फुगेले आफ्नो नाम गिनिज बुकमा लेखाउन सकेका थिए । उनको यस प्रकारको भड्किलो व्यवहारले गर्दा कैयौं मानिसहरु आक्रोशित पनि भएका थिए । फुगेको गैर सामाजिक व्यवहारबाट क्रुद्ध मानिसले उनको हत्या गरेको हुन सक्ने प्रारम्भिक अनुमान लगाइएको छ । हत्याको अारोपमा ४ जनालाई प्रहरीले पक्राउ गरेको छ ।
|
|
Post a Comment