|
|
पछिल्लो समय राम्रा चलचित्र प्रदर्शन अगाबै बिक्रि हुन थालेको छ । यस्तै पछिल्लो चलचित्र ‘गाँठो’ले रिलिज अघि नै आफ्नो लगानी लगानी सुरक्षित गरेको दाबी गरिएको छ ।
अहिले पोष्ट प्रोडक्सनमा रहेको चलचित्र ‘गाँठो’भदौ ३१ गते बाट प्रदर्शनमा आउदै छ ।यस चलचित्रको रिलिज अघि नै एफडी कम्पनिबाट मोफसल प्रदर्शनको लागी २० लाख एमजी पाईसकेको र राजधानिको लागी गोविन्द शाहीबाट १० लाख एडभान्स पाएको दाबी गरिएको छ।
त्यस्तै ३५ लाखमा यस अघि नै हाईलाईटस् नेपाललाई चलचित्रको डिजिटल राईट्स बेचिएको समेत दाबी गरिएको छ ।यता कमेरो इभेन्टले अष्ट्रेलियाका लागी १५ लाखमा चलचित्र किनेको समेत बताइएको छ ।
मौन र होस्टेल रिर्टन्स निर्देशक सुरज भुषालले निर्देशन गरेको चलचित्र भएकाले ‘गाँठो’को लागी उक्त पैसा तिर्न आट गरेको कमेरो इभेन्टका राजिव भुषालले बताए । साथै अष्ट्रेलिया बाटै अगष्ट २७ तारिक का दिन ‘गाँठो’ले वल्र्ड प्रिमियर गर्दैछ । साथै अमेरिका र युकेका लागी ओभसिज राईट्सका लागी कुरा भैराखेको र केही दिनमा लगभग फाईनल हुने बताउदै यि दुई देशबाट आफ्नो लगानी लगभग सुरक्षित हुने निर्देशक सुरज भुषालले बताए ।
चलचित्रमा ‘गाँठो’मा नाजिर हुसेन, नम्रता श्रेष्ठ र अभय बराल मुख्य भूमिकामा छन् । चलचित्रमा तीलकबहादुर क्षेत्री, नृपेन्द्रराज जोशी र दीपेश भण्डारीको निर्माण रहेको छ ।
|
|
Post a Comment