|
|
काठमाडौं ।
हिन्दु परम्पराअनुसार कुनै पनि शुभ एवं धार्मिक कार्य गर्दा शुद्ध हुनुपर्छ । अशुद्ध वस्तु पहिरिन वा खानु हुँदैन । तर यो तथ्यलाई धर्मकै नाममा राजनीति गर्दै आएका हाम्रा नेताहरुले पालना गर्दैनन् । तस्विरमा हेर्नुहोस नेपाल–भारत प्रबुद्ध समूहको पहिलो बैठक उद्घाटनमा समूहका भारतीय संयोजक भगतसिंह कोशियारीले आफूले लगाएको जुत्ता फुकाएर पानसको बत्ति बाले । तर नेपालमा हिन्दु धर्म जोगाउन भन्दै हिंडेका उपप्रधानमन्त्री एवं राप्रपा नेपालका अध्यक्ष कमल थापा र समूहका एक नेपाली सदस्य भेषबहादुर थापाले छालाको जुत्ता फुकाल्न जाँगर देखाएनन् । कोशियारी भारतीय जनता पार्टीका वरिष्ठ नेता मात्रै नभएर भारतका पूर्वमन्त्री समेत हुन । आफ्नो दलगत र व्यक्तिगत स्वार्थका लागि भारतको चाकडी गर्न कहिल्यै पछि नपर्ने नेपालका नेताहरु भने उनीहरुबाट सकारात्मक कुराहरु सिक्ने भने कहिल्यै रुची दिँदैनन भन्ने यो राम्रो उदाहरण समेत हो । लोकतन्त्र भनेको छाडातन्त्र नभएर अनुशासन र संस्कार पनि हो भन्ने कुरामा भारतीय नेताहरु धेरै सचेत देखिन्छन् । दुई दिनसम्म चल्ने बैठकमा नेपाल भारतको सुगौली सन्धीदेखि १९५० को सन्धीहरुको बारेमा समेत समीक्षा हुने जनाइएको छ ।
|
|
Post a Comment