धमाधम पक्राउ पर्दै ‘विप्लव’ माओवादीका कार्यकर्ता..

काठमाडौं, २७ जेठ । सवारी साधनमा आगजनी, तोडफोड र आवागमन अवरोध गराउँदै हिँडेका ‘विप्लव’ माओवादीका झण्डै दुई दर्जन कार्यकर्तालाई प्रहरीले राजधानीबाट गिरफ्तार गरेको छ । जबरजस्ती बन्द गराउन हिँडेका माओवादी कार्यकर्तालाई प्रहरीले पक्राउ गरेको जनाएको छ । तिनकुने, महाराजगंन्ज, नेपालटार, चाबहिल, गोङ्गवु, भक्तपुर, नागढुङ्गालगायतका स्थानमा ‘विप्लव’ माओवादीका कार्यकर्ताले दर्जन बढी सवारी साधनमा तोडफोडका साथै आगजनी गरेको जनाएका छन् ।

नागढुङ्गामा ना ५ ख ७० ४१ नम्बरको माइक्रो बसमा पनि ‘विप्लव’ माओवादीका कार्यकर्ताले तोडफोड गरेका छन् । नयाँ बसपार्क नजिकै पनि एउटा माइक्रो बसमा तोडफोड भएको छ । त्यस क्रममा माओवादी कार्यकर्ताले आगजनीको प्रयास गरेका छन् । प्रहरीले कंलकीबाट ट्रेड युनियन महासंघका अध्यक्ष योगेद्र कुमाल, बिष्णु अधिकारी, रविन खत्री लगायत छ जना नेता तथा कर्यकर्ता पक्राउ गरेको छ ।

बालाजुमा मीनबहादुर चलाउने, सुमन अधिकारी, चन्द्र बुढा, रजमान तामाङपनि पक्राउ परेका छन् । ग्वार्कोबाट जम्बो शेर्पासहित तीन जना पक्राउ परेका छन् । रत्नपार्कबाट जनगणतान्त्रिक मञ्चका अध्यक्ष राजु कार्कीसहित दर्जन कार्यकर्ता पक्राउ परेको माओवादीले जनाएको छ । भक्तपुरका जनपरिषद प्रमुख कृष्णराम खड्का, सविन पुलामी मगरसहित ३ जना पक्राउ परेका छन् ।

‘विप्लव’ माओवादीको नेपाल बन्दलाई ध्यानमा राखेर सरकारले मुलुकभरि उच्च सुरक्षासर्तकता अपनाएको जनाएको छ । गृह मन्त्रालयले मुलुकको शान्ति सुरक्षा मजबुत बनाएको जनाउँदै अवाञ्छित क्रियाकलाप गर्नेलाई कारबाही गर्ने चेतावनी दिइसकेको छ ।

Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..