|
|
बेलायतमा १० लाखभन्दा बढीले एक आवेदनमा हस्ताक्षर गरेर युरोपियन युनियनबाट बाहिरिने वा नबाहिरिनेबारे फेरि जनमत संग्रह गर्न माग गरेका छन् । उनीहरुको तर्क छ कि कुल मतदाता मध्ये ७५ प्रतिशतले मतदान गरेका छन्, जसमा मात्र ५२ प्रतिशतले युनियनबाट अलग हुने मत लिएका छन् । यस आधारमा मात्र निर्णय लिनु गलत हुने उनहिरुले बताएका छन् ।
यो अभियान सुरु भएपछि एक समय यति धेरै मानिसले हस्ताक्षर गर्न चाहेका थिए कि वेबसाइट नै क्रास भयो । युरोपियन युनियनबाट अलग हुने पक्षमा मत देखिएका केही मानिस पछुताइरहेका छन् । र, उनीहरुको भनाइ छ कि जितिन्छ भन्ने विश्वास नै थिएन ।
पश्चाताप व्यक्त गर्ने सिलसिला यसरी चलेको छ कि सामाजिक सञ्जालमा रिग्रेक्सिट ट्रेण्ड नै भएको छ । लण्डनमा पनि एक अनलाइन आवेदन सुरु भएको छ, जसमा लण्डनलाई ‘स्वतन्त्र राष्ट्र’ घोषित गर्न आहृवान गरिएको छ । जहाँ हजारौंले समर्थन जनाएका छन् ।
यता स्कटल्याण्ड नेशनल पार्टीकी नेता निकोला स्टरगियोनले स्कटल्याण्डमा फेरि जनमत संग्रह गराउन आवश्यक कानुन बनाउने बताएकी छन् । साथै युरोपियन युनियनबाट बाहिर रहँदा बेलायतमा पर्ने असरबारे छलफल गर्न बैठक समेत बोलाइकी छन् ।
कसैले पनि ईयू छाड्न बाध्य पार्न नसक्ने उनले बताएकी छन् । युरोपियन संघसँगको सम्वन्ध कायम राख्न आफ्नो सरकारले तत्काल वार्ता गर्ने उनले बताइन् ।
|
|
Post a Comment