धारिलो हतियार प्रहार गरी आमासँगै १५ महिने दूधे बालकको हत्या

जेठ १२० – रुकुमको खारा गाविस–८ मा १५ महिनाको बालक र उनकी आमाको हत्या भएको छ । अन्दाजी एक हप्ता अगाडि हत्या गरी घरमै थुनेको अवस्थामा ३० वषर्की गीता ओली र उहाँको १५ महिनाका छोरा अमरको शव फेला परेको हो ।
उनीहरुको हत्या कसले र किन गरेको हो भन्ने नखुलेको प्रहरीले जनाएको छ । गीताका श्रीमान कामको शिलशिलामा भारतमा छन् । ढोकामा ताल्चा लगाएको घर भित्रबाट शवको गन्ध आएपछि स्थानीय बासिन्दाले प्रहरीलाई खबर गरेपछि घटना बारे थाहा भएको हो ।
जिल्ला प्रहरी कार्यालय रुकुमका निमित्त प्रहरी प्रमुख प्रहरी निरीक्षक पुष्पकमल श्रेष्ठले धारिलो हतियार प्रहार गरी हत्या भएको र घटना बारे अनुसन्धान भैरहेको बताउनुभयो ।
उहाँका अनुसार झण्डै एक हप्ता अघि हत्या भएको हुनसक्छ । दुवैको शव अहिले जिल्ला अस्पताल सल्लेमा राखिएको छ । घटनाको छानबिनका लागी प्रहरीले गीताका देवर, जेठाजु र जेठानीलाई पक्राउ गरेको छ । Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..