|
|
आइतबार बिहान अमेरिकाको ओर्लान्डो सहरमा रहेको एक समलिंगी नाइटक्लबमा ४९ जनाको हत्या गर्ने ओमार माटिन आफै पनि समलिंगी रहेको खुलासा भएको छ ।चरमपन्थी इलामिक सिद्धान्तमा आधारित भएर पल्स नामक नाइटक्लबमा माटिनले गोलीकाण्ड घटाएको अमेरिकी प्रहरीले बताएका छन् ।
तर, उनकी पूर्वपत्नी र कलेजका साथीले भने माटिन पनि आफै ‘गे’ भएको बताएका छन् । यसअघि पनि उनी उक्त क्लबमा दर्जनौं पटक जाने गरेको र गे डेटिङ एप ज्याक्ड प्रयोग गर्ने गरेको पनि खुलासा भएको छ । माटिनका पहिलो पत्नी सिटोरा युसुफीबीच सन् २००९ मा भेट भएको थियो र त्यसलगत्तै विवाह भएको थियो ।
ब्राजिलको टिभी स्टेसन गकरसँग कुरा गर्दै युसुफीले भनेकी छिन् । उनीसँगै उनका मंगेतर मार्सियो डियास पनि रहेका थिए । डियाले च्यानललाई माटिनमा समलिंगी भएको संकेत देखिएको युसुफीले आफूले बताएकी छिन् । उनले इस्लामको कारणले माटिनले उक्त गोलीकाण्ड घटाएको आफूलाई यकिन नभएको बताए ।यता, युसुफीले पनि उनी कुनै आतंकवादी संस्थामा संलग्नभन्दा पनि मानसिक रोगी थिए ।
एफबिआईले यो कुरा अमेरिकी मिडियालाई नभन्न आग्रह समेत गरेको बताइन् ।युसुफी र माटिनबीच सन् २०११ मा पारपाचुके भएको थियो । त्यतिबेला उनले माटिनमाथि कुटपिटको आरोप लगाएकी थिइन् । यता, पाम बिच पोष्टका अनुसार माटिनको एक केटा साथीले पनि उनी समलिंगी भएको बयान दिएका छन् । नाम उल्लेख नगर्ने सर्तमा ती युवकले माटिनले उनीसँग डेटको प्रस्ताव समेत गरेको बताए ।
दुवै संगै समलिंगी क्लबमा पनि जाने गरेको खुलासा गरे । तर, माटिन सामाजिक रुपमा अनौठो थिए । ‘माटिन मेरा साथीहरुसँग मिल्न खोज्थे । तर, उनी अनौठो थिए । कसैले उनलाई मनपराउँदैन थियो,’ उनले भनेका छन् ।दुवैले सन् २००६ मा इन्डियन रिभर कम्युनिटी कलेज प्रहरी एकाडेमीमा अध्ययन गरेका थिए ।
|
|
Post a Comment