|
|
एजेन्सी। खेलको अन्तिम समयको आत्मघाती गोलले आइसल्याण्ड युरोकपमा ऐतिहासिक जितबाट चुकेको छ । समूह एफ अन्तर्गत शनिबार राति भएको खेलमा आइसल्याण्ड हंगेरीसँग १–१ को बराबरीमा रोकिएको हो ।
पहिलो खेलमा आफू भन्दा बलियो टिम पोर्चुगललाई १–१ को बराबरीमा रोकेको युरोकपको नवप्रवेशी आइसल्याण्डले हंगेरीसँगको खेल आफ्नै गल्तीका कारण जित्न सकेन ।
३९ औं मिनेटमा पाएको पेनाल्टीमा गिफी सिगुर्डसनले गोल गर्दै आइसल्याण्डलाई सुरुवाति अग्रता दिलाए । हंगेरीले बलमा नियन्त्रण कायम गरेपछि आइसल्याण्डको डिफेन्सलाई छलेर गोल गर्न सकेन ।
आइसल्याण्डका खेलाडीले डिफेन्समा धेरै ध्यान दिएका थिए । अन्तिम तीन मिनेट बाँकी हुँदासम्म १–० को अग्रता लिएको आइसल्याण्डका लागि ८७ औं मिनेट घातक बन्यो । आइसल्याण्डका विर्किर साइभर्सनले नेम्यानजा निकोलिकको क्रसको बल क्लियर गर्ने क्रममा आत्मघाती गोल गरे र खेल १–१ को बराबरीमा सकियो ।
उपहारमा पाएको गोलले एक अंक थप गरेको हंगेरी अन्तिम १६ मा पुग्ने लगभग पक्का भएको छ । पहिलो खेलमा अस्ट्रियालाई हराएको हंगेरी ४ अंक सहित समूहको शीर्ष स्थानमा छ । दुई अंक जोडेको आइसल्याण्ड दोस्रो स्थानमा छ
|
|
Post a Comment