एनसेलमाथि कडा निर्णय, पुँजी बृद्धि र व्यवसाय विस्तार रोक्न अर्थ समितिको निर्देशन

काठमाडौं, जेठ २१ । व्यवस्थापिका–संसदको अर्थ समितिले एनसेलको पुँजी बृद्धि र व्यवसाय विस्तार रोक्न निर्देशन दिएको छ ।   शुक्रबार विहान सिंहदरबारमा बसेको समितिको बैठकले एनसेलको सेयर बिक्रीमा लाग्ने पुँजीगत कर र लाभ कर असुल उपरगरी समितितलाई जानकारी गराउन अर्थ मन्त्रालययलाई निर्देशन पनि दिएको छ ।

यस्तै, एनसेलले सरकारलाई तिर्नुपर्ने सबै कर नतिर्दासम्म पुँजी बृद्धि गर्न तथा व्यवसाय विस्तारका सबै कार्यहरु रोक्न समितिले उद्योग मन्त्रालयलाई समेत निर्देशन दिएको छ ।

यसैगरी, समितिले पुरानो कारोबारमा कर असुल उपर नगराउने कर्मचारी तथा सम्बन्धित निकायमाथि छानविन गरि कारबाहीको दायरामा ल्याउन सरकालाई निर्देशन दिएको छ ।

समितिमा एनसेलका प्रबन्ध निर्देशक सिमोन पार्किसलाई बोलाएर सांसदहरुले छलफल गरेका थिए । त्यसैगरी, समितिले आन्तरिक राजश्व विभागका महानिर्देशक चुडामणि शर्मा, राजश्व सचिव राजन खनाल, नेपाल दूरसञ्चार प्राधिकरणका अध्यक्ष दिगम्बर झा, सञ्चार सचिव दिनेश थपलिया लगायतलाई बोलाएर एनसेलका विषयमा छलफल गरेका थिए ।


Disclaimer: Please note, this is only video embeding web Page. All of these videos found here from 3rd party video hosting sites such as YouTube.Com, Vimeo.Com, DailyMotion.Com, Blip.Tv, We do not host any videos. Please contact to appropriate video hosting site for any video removal.Please keep watching Hot Video News..